Victoriu Secret síðbúnar jólgjafir

Þetta er sloppurinn og pom pom sokkarnir

Hann Sófus kann sko að velja jólagjafir .

Ekki satt?

 

Þæginda gírinn

Vá  hvað mér líður vel . Það var svo kalt á leiðinni heim, samt var ég í refnum og aldrei þessu vant vel klædd. Tók þá ákvörðun að fara strax í heitt bað og á meðan eldaði íþróttaálfurinn plokkfisk. Frábært .

Ok ég fór í bað og á meðan kom póstsending frá USA. Tvær jólagjafir sem ég verslaði á netinu .

Heppilegt, önnur var handa mér ...já ég gef sjálfri mér jólagjöf eða læt sem Sófus hafi gefið mér jólagjöf

Sniðugt

Erla tengdadóttir mín átti að fá hina, fær hana í afmælisgjöf í staðin. Góð.

Eru ekki allir spenntir ? Ég fékk slopp og innskósokka úr Victoriu Secret .

Hér sit ég ný böðuð í eldrauðum hnausþykkum slopp og röndóttum pom pom skó sokkum og líður mér eins og prinsessu  .

Pósturinn er yndislegur.

Nú er ég að fara að horfa á handbolta . Skemmtilegur tími framundan  

bæjó

Sigga  

Mánudags Grín

Tveir íslendingar eru úti í sveit að aka og sjá bíl fastan úti í kanti.
Þeir ákveða að hjálpa og fara út úr bílnum. Þetta eru útlendingar og
kunna íslendingarnir lítið í ensku en tekst að spyrja: "Dú jú vant
help?" Útlendingarnir svara " no no this is ok" Íslendingarnir vilja
endilega hjálpa og gefa sig ekki og segja: Jes ví help jú.

Útlendingarnir: No no this is ok

Íslendingarnir: Jes jes nó vesen - ví help jú. Þeir ná í reipi í bílinn
sinn til að freista þess að draga bílinn - í versta falli að ýta honum
upp á vegkanntinn aftur.

Útlendingarnir: What are you gonna do?

Íslendingarnir: First ví reip jú - Þen ví ít jú. 

Strandaglópar

Á eyðieyju einni fjarri allri mannabyggð  (auðvitað) strandaði skip en á
skipinu var fólk samankomið af ólíkum  þjóðernum. En það var ekki fyrr en
mánuði síðar sem greyið fólkið fannst og  hafði þá ýmislegt á daga þeirra
drifið...

Strandaglóparnir voru:
2 ítalskir menn og ein ítölsk kona
2 franskir menn og ein frönsk kona
2 þýskir menn og ein þýsk kona
2 grískir menn og ein grísk kona
2 breskir  menn og ein bresk kona
2 búlgarskir menn og ein búlgörsk kona
2 japanskir menn og ein japönsk kona
2 kínverskir menn og ein kínversk  kona
2 bandarískir menn og ein bandarísk kona
2 írskir menn og ein írsk  kona
2 íslenskir karlmenn og 1 íslensk kona

Mánuði síðar á þessari  sömu eyju höfðu eftirfarandi atburðir átt sér stað:

Annar Ítalinn drap hinn vegna ítölsku konunnar

Frönsku mennirnir og franska konan lifa í sátt og samlyndi

Þjóðverjarnir hafa komið sér upp mjög stífu vikulegu fyrirkomulagi um að
heimsækja þýsku konuna

Grikkirnir sofa hjá hverjum öðrum á meðan gríska konan þrífur og eldar
handa þeim

Bretarnir bíða  enn eftir að einhver kynni þá fyrir ensku konunni

Búlgararnir horðu  lengi á sjóndeildarhringinn og svo á búlgörsku
konuna og stungu sér síðan til  sunds

Japanirnir sendu símbréf til Tokýó og bíða enn leiðbeininga

Kínverjarnir hafa komið upp apóteki, vínbúð, veitingastað  og
þvottahúsi og kínverska konan er barnshafandi af völdum "þeirra" því
starfsmenn vantar

Bandaríkjamennirnir eru á barmi taugaáfalls því  bandaríska konan
kvartar í sífellu yfir líkamsvextinum sínum; yfir eðli  konunnar;
hvernig hún er fær um að gera hvaðeina sem þeir geta; nauðsyn þess  að
lifa fullnægjandi lífi; jafnri skiptingu á heimilisverkum; hvernig
sandurinn og pálmatréin valda því að hún virðist feitari; hvernig
síðasti  kærastinn virti skoðanir hennar og kom betur fram við hana en
þeir tveir; hve samband hennar við móður sína verður betra með degi
hverjum og að lokum hve skattarnir eru lágir og að það skuli aldrei rigna

Írarnir tveir hafa  skipt eyjunni í norður og suður og sett upp
landamæri. Þeir minnast ekki hvort  til kynlífs hafi komið því það er allt
í móðu eftir fyrstu lítrana af  kókosviskíinu. En þeir eru sáttir því
Bretarnir eru ekki að njóta sín.

Íslendingarnir eru orðnir stórskuldugir við verslanir og veitingahús
Kínverjanna og brugghús Íranna. Íslenska konan er búin að sofa hjá
ítölsku, frönsku og amerísku karlmönnunum á meðan íslensku
karlmennirnir eru búnir að reikna út að þeir væru fallegastir,
sterkastir, gáfaðastir og fjölmennastir miðað við höfðatölu

kv

Sigga

Bækur

Ég les mjög mikið og mínir nánustu vita það , eins les ég frekar hratt . í jólagjöf fengum við margar áhugaverðar bækur og ætla ég mér að skrifa svolítið um þær , ekki er ég bókmennta sérfræðingur en ég hef gaman að góðum bókum og langar mig að halda utan um það sem ég hef lesið og hvað mér fannst .

Fyrsta bókin er Englar dauðans eftir Þráinn Bertelsson  .

Vel skrifuð hélt mér allan tíman hröð atburðarrás . Svolítið skrítið að lesa bók með öllum þessum austur evrópsku persónum og nöfnin maður minn man ekki eitt eftir lestur .

Bókin góð .

Önnur bók Aska eftir Yrsu Sigurðar.

Ótrúleg bók ,lifandi vettvangur , gaman að upplifa Vestmanneyjar sem vettvang glæps ,skemmtileg flétta vel skrifuð  . Drottning glæpasagna . Hélt mér allan tíman las á eini helgi þegar íþróttaálfurinn var í útlöndum .

Frábær bók

Þriðja bók Dauðrabýlið eftir Patricia Cornwell.Þýðing Atli Magnússon

Ég er búin að lesa allar þýðingar á bókum eftir  CornWell og alltaf verið ánægð og það er ég líka núna . Þetta eru eflaust ekki bækur fyrir alla en ég elska svona bækur  hrollvekjandi glæpasögur ,lýsingar á vettvangi eru afbragð og öll smáatriði tekinn fyrir þannig að allt er ljóslifandi í huga manns spennan gríðarleg .  Meistari glæpasagna . Ef þið hafið gaman af glæpasögum og aldrei lesið -----þá er þessi höfundur möst , vá

Frábær bók sem ég á eftir að lesa aftur og aftur eins og allar hinar .

 

Meira síðar

Sigga  

 

 

Gamlárskvöld

Þið getið rétt ...þynnkan var gríðarleg þann 2 jan og ég gleymdi að segja frá síðasta degi ársins úpsss

Við fórum öll til Pálu og Kidda í Kambaselið , við skiptum með okkur matargerð Pála sá um forrétt og ég aðalrétt og eftirrétt  .

Matseðill

Grillaður Humar Alveg geggjað  Hvítvín

Andabringur með Appelsínusósu Himnesk sæla Rauðvín

Frönsk súkkulaði kaka með hindberja glaze Ís og ferskum berjum  . aðeins meira Rautt

Kaffi og koníak

 Ég nenni ekki að ræða skaupið ,

Kvöldið var yndislegt enda í frábærum félagsskap .

Kv

Sigga  

 

Nýársfagnaður Dejavú

Jæja þá er ryðið að minnka og maður er svona að púsla sér saman eftir skemmtilegustu veislu ársins. Nýársfagnað Deisjara. Að þessu sinni var fagnaðurinn haldinn í sal Húnvetningafélagsins í Skeifunni og voru 58 manns samankomin og skemmtu sér og öðrum.

Sex rétta máltíð hófst á einhverri geggjuðustu humarsúpu sem borin hefur verið fram. 5 prósent að koníaksstyrkleika. Takk Solla. Frábær. Svo kom sjávarréttaplattinn, því næst grafið hreindýr að hætti Jóns Páls, svo var það innbakaða nautakjötið og að lokum franska súkkulaðikakan og kaffið og koníakið.

Jón Páll hirti flestu happdrættisvinningana, Pétur Stóribjór hélt ítarlega og innihaldsríka ræðu um kindur, fé og fjármál. Inn á milli voru sungin lög, sérvalin af Stórabjór. Lagavalið var alls ekkert klúrt að þessu sinni. Þarna voru smellir á borð við Snæfinnur hórkarl og Saddam átti syni sjö. Svo var dansað tryllt við undirleik hljómsveitarinnar, bandsins hans Sigga en hann verður einmitt í tveimur hljómsveitum þegar hann er búinn að vinna keppnina hans Bubba. Gestasöngvarar bandsins tóku sinn hvern smellinn, Stóribjór, Koníak og King tróðu þar upp.

Allir skemmtu sér eins og þeir ættu lífið að leysa þangað til á slaginu þrjú en þá var öllum grýtt út með miklu harðræði af kerlingu og jafnrugluðum karli sem eru umsjónarmenn svæðisins. Kerlingin lamdi Óla homma með álbakka auk þess sem hún hrinti hinum og þessum út sem voru að taka saman föggur sínar. Helvíti solid umsjónarmenn. Maður getur sko treyst þeim fyrir húsinu sínu ef maður fær þau til að passa það.

Engu að síður þá gnæfir yfir allt saman, þvílík skemmtun sem þetta var og við þökkum innilega fyrir okkur og bíðum spennt eftir næsta Deisa-fagnaði. Það eru komnar myndir af herlegheitunum inn í myndasafnið hérna á síðunni.

http://siggathora.blog.is/album/NyarsfagnadurDejavu/

Á leið til útlanda

Íþróttaálfurinn er á leið til útlanda á fótboltaleik .....Sófus vildi fara með

Jólin mín myndir

Elsa og Bolli í öndinni á Laugardag

 

 

Nú eru þau komin til Kanarí  

 

 

 

 

Sófus búin með rækjur & rjóma og lá svona þegar við komum heim .

 

Þetta kallar maður að láta sér líða vel .

 

 

 

 

Tengdó á fullu í eldhúsinu að undirbúa jólamatinn

Jólin mín

Hátíðin hófst á laugardag , þá komu Elsa og Bolli í mat ,þau eru á leið til kanarí milli jóla og nýjárs í sól  ummmmm smá öfund . Ég bauð upp á Andabringur með ávaxtasalati og sætum kartöflum ....alveg geðveikt . Rautt og hvítt og koníak á eftir ... það var líka boðið upp á eftirrétt sem engin hafði löngun í  hahahah . Yndislegt kvöld með góðu fólki .

Þorláksmessa ég átti að mætta í skötu en var hálf slöpp , unglingurinn var búin að vera með ælupest og fór það ekki vel í mig , klígjan var að fara með mig . Um kvöldið gengum við Íþróttaálfurinn niður í Jólaþorp og þaðan á A Hansen og fengum okkur að borða humar og steik , Jón Páll kom með sem fylgdarsvein . Veðrið var fallegt og hátíð yfir Hafnarfirði .

 Aðfangadagur.. Vaknaði snemma fékk í gjöf frá Kertasníki ..... Ilmvatn sturtusápu og body lotion . Íþróttaálfurinn fékk slopp og unglingurinn nærbuxur . Sniðugur karl hann Kertasníkir  . Unglingurinn var veikur ...greyið ömurlegur dagur fyrir ælupest . Hann fór til pabba síns . Ég og íþróttaálfurinn fórum í Blönduhlíð til Tengdó í Kalkúnn , æðislegur matur og frábær félagsskapur . Sófus var heima og fékk rækjur og rjóma

Fengum fullt af fallegum hlutum og bókum .  Takk fyrir okkur

Jóladagur  það er yndislegt að vakna snjór yfir öllu þögn og friður . Lá og las borðaði ...svaf ... las. fórum svo í kaffiboð í Blönduhlíð .  Það er allt svo yndislegt og gaman að hitta ættingja og vini . Borðaði yfir mig . Leið eins og Ali gæs sem búið er að fylla . Fórum heim og eldaði kalkúnabringur með sætum kartöflum og ávaxtasalati  fyrir Frey og Erlu . Við vorum nú ekkert sérstaklega svöng Íþróttaálfurinn og ég ......

Annar í jólum  Amma á afmæli 86 ára  . Til hamingju elsku Amma . Venjulega er veisla og þannig er það búið að vera í 85 ár alltaf verið haldið upp á daginn . Nei Amma sem aldrei er veik fékk lungnabólgu og liggur í rúminu  ... og engin veisla . Ég fór ekki úr náttfötunum allan daginn las og horfði á Sound of music .

Kv

Sigga